Kuçi: Projekti hekurudhor nga Fushë-Kosova në drejtim të Maqedonisë – sipas standardeve evropiane

13:39 | 22 Shtator 2020
V. S.

Ministri i Ekonomisë dhe Ambientit, Blerim Kuçi, ka vizituar punishten në Stacionin Hekurudhor në Miradi. Ai ka thënë se ky projekt nuk ka probleme financiare dhe është i standardeve të BE-së, raporton Ekonomia Online.

“Ky projekt, për fat të mirë, konstruktën  financiare e ka të siguruar dhe normalisht ne nuk mund ta dimë  menjëherë kualitetin, sepse për këtë punë është njësia mbikëqyrëse. Për shkak të pandemisë kemi një dinamikë, jo të planifikuar, por po shpresoj që me dinamikën e punëkryesit nuk do të kemi probleme. Në aspektin financiar s’ka probleme”.

Ai tregoi se projekti hekurudhor nga Fushë-Kosova në drejtim të Maqedonisë parasheh një numër objektesh që janë të rëndësisë së veçantë.

“Ajo çka është me rëndësi po krijohet një hekurudhë me standarde të BE-së”, tha Kuçi.

Shpërndaje në rrjete sociale

Lajmet më të lexuara

Të ngjashme

Foto lajm